RRB Level 1 Recruitment 2025: மத்திய அரசு வேலையை லட்சியமாகக் கொண்ட இளைஞர்களுக்கு 2026 ஆம் ஆண்டின் தொடக்கத்திலேயே ஒரு பிரம்மாண்டமான நற்செய்தி வெளியாகியுள்ளது. இந்திய ரயில்வேத் துறையில் (Indian Railways) காலியாக உள்ள குரூப் டி (Group D) அல்லது லெவல் 1 (Level 1) பணியிடங்களை நிரப்புவதற்கான அறிவிப்பை ரயில்வே பணியாளர் தேர்வு வாரியம் (RRB) வெளியிட உள்ளது.
நாடு முழுவதும் சுமார் 22,000க்கும் மேற்பட்ட பணியிடங்கள் நிரப்பப்பட உள்ளன. 10 ஆம் வகுப்பு படித்தவர்கள் முதல் ஐடிஐ முடித்தவர்கள் வரை அனைவரும் விண்ணப்பிக்கலாம் என்பதால் இது ஒரு பொன்னான வாய்ப்பாகும்.
| கருடா TNPSC Academy Group 2 & 4 Online Class New Batch தொடங்க உள்ளது. வகுப்பில் இணைய தொடர்புக்கு - 9787968176 |
இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.
பணியிட விவரங்கள் மற்றும் பதவிகள்
ரயில்வேயின் பல்வேறு மண்டலங்களில் காலியாக உள்ள பாயிண்ட்ஸ்மேன் (Points man), அசிஸ்டென்ட் (Assistant), மற்றும் டிராக் மெயின்டெய்னர் (Track Maintainer) போன்ற அடிப்படை நிலை பணியிடங்கள் நிரப்பப்பட உள்ளன. தோராயமாக 22,000 காலியிடங்கள் இருப்பதாகத் தெரிவிக்கப்பட்டுள்ளது.
இந்த எண்ணிக்கை மண்டல வாரியாக மாறுபடலாம். இது ரயில்வேயின் பாதுகாப்பு மற்றும் பராமரிப்புப் பிரிவில் மிக முக்கியமான பணியாகும். இது ஒரு நிரந்தர மத்திய அரசு வேலையாகும்.
கல்வித் தகுதி மற்றும் வயது வரம்பு
இந்தப் பணிகளுக்கு விண்ணப்பிக்கக் கல்வித் தகுதி மிகவும் குறைவாகவே நிர்ணயிக்கப்பட்டுள்ளது. அங்கீகரிக்கப்பட்ட பள்ளியில் 10 ஆம் வகுப்பு (SSLC/Matriculation) தேர்ச்சி பெற்றிருந்தாலே போதுமானது. அல்லது ஐடிஐ (ITI) முடித்தவர்கள் மற்றும் தேசிய அப்ரண்டிஸ் சான்றிதழ் (NAC) பெற்றவர்களும் விண்ணப்பிக்கலாம். ரயில்வேயில் தொழில்நுட்பப் பிரிவில் சேர ஐடிஐ முடித்தவர்களுக்கு முன்னுரிமை வழங்கப்படும்.
விண்ணப்பதாரர்களின் வயது வரம்பு 18 வயது பூர்த்தி அடைந்தவராகவும், 33 வயதிற்கு மிகாதவராகவும் இருக்க வேண்டும். மத்திய அரசு விதிகளின்படி எஸ்சி/எஸ்டி (SC/ST) பிரிவினருக்கு 5 ஆண்டுகளும், ஓபிசி (OBC) பிரிவினருக்கு 3 ஆண்டுகளும் வயது வரம்பில் தளர்வு உண்டு. மாற்றுத்திறனாளிகள் மற்றும் முன்னாள் ராணுவத்தினருக்கும் வயது வரம்பில் சலுகைகள் உள்ளன.
சம்பளம் மற்றும் தேர்வு முறை
தேர்வு செய்யப்படும் பணியாளர்களுக்கு 7வது ஊதியக் குழுவின் படி லெவல்-1 ஊதிய விகிதத்தில் சம்பளம் வழங்கப்படும். அடிப்படை சம்பளமாக மாதம் 18,000 ரூபாய் நிர்ணயிக்கப்பட்டுள்ளது. இதுதவிர அகவிலைப்படி, வீட்டு வாடகைப்படி, பயணப்படி என அனைத்தும் சேர்க்கப்படும்போது மாதம் கையில் நல்ல சம்பளம் கிடைக்கும்.
விண்ணப்பதாரர்கள் நான்கு கட்டங்களாகத் தேர்வு செய்யப்படுவார்கள்:
-
கணினி வழித் தேர்வு (CBT)
-
உடற்தகுதித் தேர்வு (PET) – இதில் ஓட்டம் மற்றும் எடை தூக்குதல் இருக்கும்.
-
சான்றிதழ் சரிபார்ப்பு (Document Verification)
-
மருத்துவப் பரிசோதனை (Medical Examination)
விண்ணப்பக் கட்டணம் மற்றும் விண்ணப்பிக்கும் முறை
விண்ணப்பக் கட்டணமாகப் பொதுப் பிரிவினர் மற்றும் ஓபிசி ஆண்கள் 500 ரூபாய் செலுத்த வேண்டும். இதில் தேர்வு எழுதிய பிறகு 400 ரூபாய் வங்கிக் கணக்கில் திருப்பி அனுப்பப்படும். பெண்கள், எஸ்சி, எஸ்டி, மாற்றுத்திறனாளிகள், திருநங்கைகள் மற்றும் பொருளாதாரத்தில் பின்தங்கிய பிரிவினர் 250 ரூபாய் செலுத்தினால் போதும். இவர்கள் தேர்வு எழுதிய பிறகு முழுக் கட்டணமும் திருப்பித் தரப்படும்.
முக்கிய தேதிகள்
-
விண்ணப்பிக்கத் தொடங்கும் நாள்: 21.01.2026
-
விண்ணப்பிக்கக் கடைசி நாள்: 20.02.2026
தகுதியும் விருப்பமும் உள்ளவர்கள் ரயில்வே தேர்வு வாரியத்தின் அதிகாரப்பூர்வ இணையதளமான rrbapply.gov.in என்ற முகவரிக்குச் சென்று ஆன்லைன் மூலம் மட்டுமே விண்ணப்பிக்க வேண்டும். ஜனவரி 21 ஆம் தேதி லிங்க் ஆக்டிவேட் செய்யப்படும். இப்போதே உங்கள் சான்றிதழ்களைத் தயாராக வைத்துக் கொள்ளுங்கள். ரயில்வேயில் வேலை வாங்க இது சரியான நேரம்.
Official Notification:
Apply Link:
For More Job Info:
