RRB Isolated Category Recruitment 2026: இந்திய ரயில்வே துறையில் வேலை தேடும் இளைஞர்களுக்குப் புத்தாண்டு தொடக்கத்திலேயே ஒரு மகிழ்ச்சியான அறிவிப்பு வெளியாகியுள்ளது. ரயில்வே பணியாளர் தேர்வு வாரியம் (RRB) ஐசோலேட்டட் கேட்டகிரி (Isolated Category) எனப்படும் பல்வேறு தனித்துவமான பணியிடங்களை நிரப்புவதற்கான அதிகாரப்பூர்வ அறிவிப்பை வெளியிட்டுள்ளது.
நாடு முழுவதும் உள்ள ரயில்வே மண்டலங்களில் மொத்தம் 312 காலியிடங்கள் நிரப்பப்பட உள்ளன. பள்ளிப் படிப்பு முடித்தவர்கள் முதல் சட்டம் மற்றும் முதுகலை பட்டம் பெற்றவர்கள் வரை பல்வேறு தரப்பினருக்கும் இதில் வேலைவாய்ப்பு காத்திருக்கிறது. இது குறித்த முழுமையான விவரங்களை இங்கே விரிவாகக் காண்போம்.
| கருடா TNPSC Academy Group 2 & 4 Online Class New Batch தொடங்க உள்ளது. வகுப்பில் இணைய தொடர்புக்கு - 9787968176 |
இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.
பணியிட விவரங்கள் மற்றும் முக்கியத்துவம்
ரயில்வே துறையில் வழக்கமான குரூப் டி அல்லது என்டிபிசி தேர்வுகள் அல்லாமல், சிறப்புத் திறன்கள் தேவைப்படும் பணிகளுக்கு இந்தத் தேர்வு நடத்தப்படுகிறது. தற்போது வெளியாகியுள்ள அறிவிப்பின்படி ஜூனியர் டிரான்ஸ்லேட்டர் ஹிந்தி (Junior Translator Hindi) பணிக்கு அதிகபட்சமாக 202 இடங்கள் ஒதுக்கப்பட்டுள்ளன.
இதுதவிர சீனியர் பப்ளிசிட்டி இன்ஸ்பெக்டர், லேப் அசிஸ்டென்ட் (Lab Assistant), சீஃப் லா அசிஸ்டென்ட், வெல்பேர் இன்ஸ்பெக்டர் (Welfare Inspector) மற்றும் சயின்டிபிக் அசிஸ்டென்ட் போன்ற பல்வேறு பதவிகள் நிரப்பப்பட உள்ளன. இவை அனைத்தும் நிரந்தர மத்திய அரசுப் பணிகளாகும்.
கல்வித் தகுதி மற்றும் நிபந்தனைகள்
ஒவ்வொரு பணிக்கும் தனித்தனியான கல்வித் தகுதிகள் நிர்ணயிக்கப்பட்டுள்ளன. லேப் அசிஸ்டென்ட் பணிக்கு 12 ஆம் வகுப்பில் அறிவியல் பாடப்பிரிவில் (Physics and Chemistry) தேர்ச்சி பெற்றிருந்தாலே போதுமானது.
ஜூனியர் டிரான்ஸ்லேட்டர் பணிக்கு ஹிந்தி அல்லது ஆங்கிலத்தில் முதுகலை பட்டம் (Master’s Degree) மற்றும் மொழிபெயர்ப்புத் துறையில் டிப்ளமோ முடித்திருக்க வேண்டும்.
சீஃப் லா அசிஸ்டென்ட் மற்றும் பப்ளிக் பிராசிகியூட்டர் பணிகளுக்குச் சட்டம் படித்திருப்பதுடன் (LLB), வழக்கறிஞராகப் பணியாற்றிய முன் அனுபவம் அவசியம். வெல்பேர் இன்ஸ்பெக்டர் பணிக்குச் சமூக நலத்துறையில் டிப்ளமோ அல்லது எம்பிஏ முடித்திருக்க வேண்டும்.
வயது வரம்பு மற்றும் சம்பளம்
விண்ணப்பதாரர்களின் வயது வரம்பு அவர்கள் விண்ணப்பிக்கும் பதவியைப் பொறுத்து மாறுபடும். லேப் அசிஸ்டென்ட் பணிக்கு 18 முதல் 30 வயது வரை உள்ளவர்கள் விண்ணப்பிக்கலாம். மற்ற உயர்பதவிகளுக்கு 33, 35, 38 மற்றும் 40 வயது வரை உச்ச வயது வரம்பு நிர்ணயிக்கப்பட்டுள்ளது.
அரசு விதிகளின்படி எஸ்சி, எஸ்டி மற்றும் ஓபிசி பிரிவினருக்கு வயது வரம்பில் தளர்வுகள் உண்டு. சம்பளத்தைப் பொறுத்தவரை லேப் அசிஸ்டென்ட், டிரான்ஸ்லேட்டர் உள்ளிட்ட பெரும்பாலான பணிகளுக்கு மாதம் 35,400 ரூபாய் அடிப்படை ஊதியமாக வழங்கப்படும். சட்டப் பிரிவு அதிகாரிகளுக்கு மாதம் 44,900 ரூபாய் வரை அடிப்படை ஊதியம் கிடைக்கும். இதனுடன் இதர படிகள் சேரும்போது கைக்கு நல்ல சம்பளம் கிடைக்கும்.
விண்ணப்பக் கட்டணம் மற்றும் பணம் திரும்பப் பெறுதல்
விண்ணப்பக் கட்டணமாகப் பொதுப் பிரிவினர் மற்றும் ஓபிசி ஆண்கள் 500 ரூபாய் செலுத்த வேண்டும். இவர்கள் முதல் நிலைத் தேர்வை (CBT) எழுதிய பிறகு, வங்கிக் கட்டணம் போக மீதமுள்ள 400 ரூபாய் இவர்களது வங்கிக் கணக்கில் திருப்பி அனுப்பப்படும்.
எஸ்சி, எஸ்டி, முன்னாள் ராணுவத்தினர், பெண்கள், திருநங்கைகள் மற்றும் பொருளாதாரத்தில் பின்தங்கிய பிரிவினர் 250 ரூபாய் செலுத்தினால் போதும். இவர்கள் தேர்வு எழுதிய பிறகு முழுத் தொகையான 250 ரூபாயும் திருப்பித் தரப்படும்.
தேர்வு முறை மற்றும் விண்ணப்பிக்கும் தேதி
விண்ணப்பதாரர்கள் கணினி வழித் தேர்வு (Computer Based Test – CBT), திறன் தேர்வு (Skill Test) அல்லது மொழிபெயர்ப்புத் தேர்வு மற்றும் சான்றிதழ் சரிபார்ப்பு மூலம் தேர்வு செய்யப்படுவார்கள். மருத்துவப் பரிசோதனையும் நடைபெறும்.
தகுதியும் விருப்பமும் உள்ளவர்கள் ரயில்வே தேர்வு வாரியத்தின் அதிகாரப்பூர்வ இணையதளமான rrbchennai.gov.in மூலம் ஆன்லைனில் விண்ணப்பிக்கலாம். விண்ணப்பிக்கத் தொடங்கிய நாள் 30.12.2025 ஆகும். ஆன்லைனில் விண்ணப்பிக்கக் கடைசி நாள் 29.01.2026. குறிப்பிட்ட காலக்கெடுவிற்குள் விண்ணப்பித்துத் தேர்வுக்குத் தயாராகுங்கள்.
Official Notification:
Apply Link:
For More Job Info:
