பொங்கல் பரிசு 2026: ரேஷன் அட்டைதாரர்களுக்கு சரவெடி அறிவிப்பு! Pongal Parisu 2026 Official Announcement

Pongal Parisu 2026 Official Announcement: தமிழக மக்கள் ஆவலுடன் எதிர்பார்த்துக் கொண்டிருந்த 2026 ஆம் ஆண்டிற்கான பொங்கல் பரிசுத் தொகுப்பு குறித்த அதிகாரப்பூர்வ அறிவிப்பைத் தமிழ்நாடு அரசு சற்று முன் வெளியிட்டுள்ளது.

சமூக வலைத்தளங்களில் பரவி வந்த பல்வேறு வதந்திகளுக்கு முற்றுப்புள்ளி வைக்கும் வகையில், இந்த மகிழ்ச்சியான அறிவிப்பு வெளியாகியுள்ளது. இந்த ஆண்டு பொங்கல் பண்டிகையைச் சிறப்பாகக் கொண்டாடும் வகையில் பரிசுத் தொகுப்புடன் ரொக்கப் பணமும் வழங்கப்பட உள்ளது. இது குறித்த முழுமையான விவரங்களை இங்கே காண்போம்.

பரிசுத் தொகுப்பில் என்னென்ன பொருட்கள்

கூட்டுறவுத்துறை மற்றும் உணவுப்பொருள் வழங்கல் துறை வெளியிட்டுள்ள அறிவிப்பின்படி, 2026 ஆம் ஆண்டு தைப் பொங்கலுக்குத் தகுதியுள்ள அனைத்து அரிசி குடும்ப அட்டைதாரர்களுக்கும் (Rice Card Holders) பின்வரும் பொருட்கள் அடங்கிய சிறப்புத் தொகுப்பு வழங்கப்படும்:

• பச்சரிசி: 1 கிலோ

• சர்க்கரை: 1 கிலோ

• முழு கரும்பு: 6 அடி உயரமுள்ள முழு நீளக் கரும்பு ஒன்று

• வேட்டி மற்றும் சேலை: இலவச வேட்டி சேலைத் திட்டத்தின் கீழ் இவை வழங்கப்படும். கடந்த சில ஆண்டுகளாகக் கரும்பு வழங்குவதில் இருந்த கோரிக்கைகளை ஏற்று, இந்த முறை விவசாயிகளிடம் இருந்து நேரடியாகக் கொள்முதல் செய்யப்பட்ட செங்கரும்பு வழங்கப்படும் என்று அறிவிக்கப்பட்டுள்ளது.

ரொக்கப் பணம் எவ்வளவு

மக்களின் மிகப்பெரிய எதிர்பார்ப்பாக இருந்த ரொக்கப் பணம் குறித்தும் அரசு தெளிவான அறிவிப்பு வெளியாகவில்லை. அனைத்து ரேஷன் அட்டைத்தாரர்களுக்கும் பொங்கல் பரிசுத் தொகுப்புடன் ரூ.3000 ரொக்கம் வழங்கப்படும் வாய்ப்பு இருப்பதாக தகவல் வெளியாகியுள்ளது. மேலும், பொங்கல் தொகுப்பில் பச்சரிசி, சர்க்கரை மற்றும் முழு கரும்பும் சேர்க்கப்படும் என எதிர்பார்க்கப்படுகிறது.

யாருக்கெல்லாம் கிடைக்கும்

இந்தப் பொங்கல் பரிசுத் தொகுப்பானது அரிசி பெறும் குடும்ப அட்டைதாரர்கள் (PHH, PHH-AAY, NPHH) மற்றும் இலங்கைத் தமிழர் மறுவாழ்வு முகாம்களில் வசிக்கும் குடும்பங்களுக்கு மட்டுமே வழங்கப்படும். சர்க்கரை அட்டைதாரர்கள் (Sugar Cards) மற்றும் பொருள் இல்லாத அட்டைதாரர்களுக்கு (No Commodity Cards) இந்தப் பரிசுத் தொகுப்பு கிடைக்காது. இருப்பினும், அவர்கள் தங்கள் அட்டையை அரிசி அட்டையாக மாற்ற விண்ணப்பித்திருந்தால், தகுதி ஆய்வு செய்யப்பட்டு வழங்கப்பட வாய்ப்புள்ளது.

டோக்கன் விநியோகம் எப்போது

கூட்ட நெரிசலைத் தவிர்க்கும் வகையில், வழக்கம் போல டோக்கன் முறை (Token System) பின்பற்றப்படும். இதற்கான டோக்கன் விநியோகம் ஜனவரி 3, 2026 முதல் தொடங்கும் என்று எதிர்பார்க்கப்படுகிறது. ரேஷன் கடை ஊழியர்கள் நேரடியாக வீடுகளுக்கே வந்து டோக்கன்களை வழங்குவார்கள். அந்த டோக்கனில் பரிசுத் தொகுப்பு வழங்கப்படும் நாள் மற்றும் நேரம் குறிப்பிடப்பட்டிருக்கும். தினமும் சுமார் 200 முதல் 300 அட்டைதாரர்களுக்குப் பொருட்கள் வழங்கத் திட்டமிடப்பட்டுள்ளது.

பொங்கல் பரிசு விநியோகம் தொடங்கும் நாள்

முதலமைச்சர் அவர்கள் சென்னையில் இந்தத் திட்டத்தைத் தொடங்கி வைத்த பிறகு, ஜனவரி 10, 2026 முதல் மாநிலம் முழுவதும் உள்ள அனைத்து நியாய விலைக் கடைகளிலும் பொங்கல் பரிசு விநியோகம் நடைபெறும். ஞாயிற்றுக்கிழமை மற்றும் விடுமுறை நாட்களிலும் கடைகள் செயல்பட வாய்ப்புள்ளது. பொதுமக்கள் தங்களுக்கு ஒதுக்கப்பட்ட நாளில் சென்று, கைரேகையைப் பதிவு செய்து (Biometric) பரிசுத் தொகுப்பைப் பெற்றுக் கொள்ளலாம்.

பொதுமக்களுக்கான முக்கிய அறிவுரை

• பொதுமக்கள் அவசரப்படாமல் தங்களுக்கு ஒதுக்கப்பட்ட நாளில் சென்று பொருட்களைப் பெற்றுக்கொள்ளுமாறு கேட்டுக் கொள்ளப்படுகிறார்கள்.

• கரும்பு மற்றும் பொருட்களின் தரம் குறைவாக இருந்தால் உடனடியாகப் புகார் அளிக்கலாம். இதற்காகத் தனிப் புகார் எண்கள் அறிவிக்கப்படும்.

• வெளியூரில் வசிப்பவர்கள் பொங்கல் விடுமுறைக்கு ஊருக்குச் செல்லும்போது, ஜனவரி 13 அல்லது 14 ஆம் தேதிகளில் பொருட்களைப் பெற்றுக் கொள்ளவும் வசதி செய்யப்படும்.

இந்த அறிவிப்பு மூலம் சுமார் 2 கோடியே 19 லட்சம் குடும்ப அட்டைதாரர்கள் பயனடைவார்கள். 2026 ஆம் ஆண்டு பொங்கல் பண்டிகை இனிப்பாக அமைய இந்தத் திட்டம் வழிவகுக்கும்.

For More Job Info:

• Visit Here