RTE Admission Announcement 2025: தமிழ்நாடு அரசு, 2025-26 கல்வியாண்டிற்கான இலவச மற்றும் கட்டாயக் கல்வி உரிமைச் சட்டத்தின் (RTE) கீழ் மாணவர் சேர்க்கைக்கான அறிவிப்பை வெளியிட்டுள்ளது. ஆனால், இந்த ஆண்டு சேர்க்கை முறையில் மிகப்பெரிய மாற்றம் செய்யப்பட்டுள்ளது.
இந்த அறிவிப்பு, புதிதாக விண்ணப்பம் செய்யக் காத்திருக்கும் பெற்றோர்களுக்கானது அல்ல. மாறாக, ஏற்கனவே சிறுபான்மையற்ற தனியார் பள்ளிகளின் நுழைவு நிலை வகுப்புகளில் (LKG, 1 ஆம் வகுப்பு) தங்கள் பிள்ளைகளைச் சேர்த்த பெற்றோர்களுக்கானது.
| கருடா TNPSC Academy Group 2 & 4 Online Class New Batch தொடங்க உள்ளது. வகுப்பில் இணைய தொடர்புக்கு - 9787968176 |
இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.
இந்த ஆண்டு RTE சேர்க்கை யாருக்கு?
நடுவண் அரசிடம் இருந்து RTE நிதி விடுவிக்கப்பட்டுள்ளதால், நடப்பு கல்வியாண்டில் ஏற்கனவே பள்ளிகளில் சேர்க்கப்பட்ட தகுதியுள்ள மாணவர்களை, RTE சட்டத்தின் கீழ் முறைப்படுத்தும் செயல்முறையை அரசு தொடங்கியுள்ளது. எனவே, கீழே உள்ள தகுதிகளைப் பூர்த்தி செய்யும், ஏற்கனவே பள்ளியில் படிக்கும் மாணவர்கள் மட்டுமே இந்தத் திட்டத்தின் கீழ் கொண்டு வரப்படுவார்கள்.
- வருமானத் தகுதி: பெற்றோரின் ஆண்டு வருமானம் ₹2 லட்சத்திற்கும் குறைவாக இருக்க வேண்டும்.
- முன்னுரிமைப் பிரிவினர்: ஆதரவற்றோர், எச்.ஐ.வி.யால் பாதிக்கப்பட்டோர், மாற்றுத் திறனாளிகள், தூய்மைப் பணியாளர்களின் குழந்தைகள் போன்றோருக்கு முன்னுரிமை வழங்கப்படும்.
பெற்றோர்கள் என்ன செய்ய வேண்டும்?
இந்த முறை, பெற்றோர்கள் இணையவழியில் விண்ணப்பிக்கத் தேவையில்லை. முழுச் செயல்முறையும் பள்ளிகள் மூலமாகவே EMIS தளம் வழியாகச் செயல்படுத்தப்படும். தகுதியுடைய பெற்றோர்கள், தங்கள் பிள்ளைகள் படிக்கும் பள்ளியைத் தொடர்புகொண்டு, கீழே உள்ள ஆவணங்கள் சரியாகக் கொடுக்கப்பட்டுள்ளதா என்பதை உறுதி செய்ய வேண்டும்.
- குழந்தையின் ஆதார்
- பிறப்புச் சான்றிதழ்
- இருப்பிடச் சான்று
- வருமானச் சான்றிதழ்
- சாதிச் சான்றிதழ்
முழுமையான கால அட்டவணை (பள்ளிகளுக்கானது)
- அக்டோபர் 6: அதிகாரப்பூர்வ அறிவிப்பு வெளியீடு.
- அக்டோபர் 7: பள்ளிகள், தங்கள் மாணவர் எண்ணிக்கையைப் பதிவேற்றம் செய்தல்.
- அக்டோபர் 9: பள்ளிகள், தகுதியுள்ள மாணவர்களின் விவரங்களைப் பதிவேற்றம் செய்தல்.
- அக்டோபர் 10 – 13: தகுதியான மற்றும் தகுதியற்ற மாணவர் பட்டியல் வெளியிடப்பட்டு, விடுபட்ட ஆவணங்களைச் சமர்ப்பிக்க வாய்ப்பு.
- அக்டோபர் 14: தகுதியான மாணவர்களின் இறுதிப் பட்டியல் வெளியீடு.
- அக்டோபர் 16: தேவைப்பட்டால், குலுக்கல் முறையில் மாணவர்கள் தேர்வு.
- அக்டோபர் 17: இறுதி செய்யப்பட்ட மாணவர்கள் EMIS தளத்தில் பதிவேற்றம்.
முக்கிய குறிப்புகள்
- கட்டணம் இல்லை: RTE-யின் கீழ் தகுதிபெறும் மாணவர்களிடம் பள்ளி நிர்வாகம் எந்தக் கட்டணமும் வசூலிக்கக் கூடாது. ஏற்கனவே வசூலித்திருந்தால், 7 நாட்களுக்குள் திருப்பித் தர வேண்டும்.
- உதவி எண்: இது தொடர்பான புகார்கள் அல்லது சந்தேகங்களுக்கு 14417 என்ற எண்ணைத் தொடர்பு கொள்ளலாம்.
எனவே, உங்கள் குழந்தை மேற்கண்ட தகுதிகளுடன் ஏற்கனவே தனியார் பள்ளியில் படித்து வந்தால், உடனடியாகப் பள்ளி நிர்வாகத்தைத் தொடர்புகொண்டு இந்த RTE ஒதுக்கீட்டின் கீழ் உங்கள் குழந்தையைப் பதிவு செய்ய உதவுமாறு கேட்டுக்கொள்ளுங்கள்.
For More Job Info:
