ஊரக வளர்ச்சித் துறையில் தேர்வில்லா வேலைவாய்ப்பு அறிவிப்பு! விண்ணப்பிக்க – Villupuram Panchayat Union Recruitment 2026

Villupuram Panchayat Union Recruitment 2026: அரசு வேலை தேடும் விழுப்புரம் மாவட்டத்தைச் சேர்ந்த இளைஞர்களுக்கு ஒரு மிகச்சிறந்த வேலைவாய்ப்பு அறிவிப்பு வெளியாகியுள்ளது.

விழுப்புரம் மாவட்டத்தில் ஊரக வளர்ச்சி மற்றும் ஊராட்சித் துறையின் கீழ் செயல்படும் ஊராட்சி ஒன்றியங்களில் (Panchayat Union) காலியாக உள்ள ஜீப் ஓட்டுநர் (Jeep Driver) பணியிடங்களை நிரப்புவதற்கான அதிகாரப்பூர்வ அறிவிப்பு வெளியிடப்பட்டுள்ளது.

8 ஆம் வகுப்பு படித்தவர்கள் மற்றும் ஓட்டுநர் உரிமம் வைத்திருப்பவர்கள் இந்தப் பணிக்கு விண்ணப்பிக்கலாம். இது ஒரு நிரந்தர அரசுப் பணியாகும்.

பணியிட விவரங்கள் மற்றும் சம்பளம்

விழுப்புரம் மாவட்டத்தில் உள்ள முகையூர் ஊராட்சி ஒன்றிய அலுவலகத்தில் காலியாக உள்ள ஈப்பு ஓட்டுநர் பணியிடங்கள் நிரப்பப்பட உள்ளன. தற்போதைய அறிவிப்பின்படி மொத்தம் 05 காலியிடங்கள் உள்ளன.

தேர்வு செய்யப்படும் ஓட்டுநர்களுக்குத் தமிழ்நாடு அரசு ஊதிய விகிதத்தின்படி மாதம் 19,500 ரூபாய் முதல் 62,000 ரூபாய் வரை சம்பளம் வழங்கப்படும். ஆரம்பச் சம்பளமே அனைத்துப் படிகளுடன் சேர்த்துச் சுமார் 25,000 ரூபாய்க்கும் மேல் கிடைக்க வாய்ப்புள்ளது.

கல்வித் தகுதி மற்றும் அனுபவம்

இந்தப் பணிக்கு விண்ணப்பிக்கக் கல்வித் தகுதி 8 ஆம் வகுப்பு தேர்ச்சி பெற்றிருந்தாலே போதுமானது. ஆனால், விண்ணப்பதாரர்கள் இலகு ரக வாகன ஓட்டுநர் உரிமம் (LMV Driving License) வைத்திருக்க வேண்டும். அதுமட்டுமின்றி, குறைந்தது 5 ஆண்டுகள் ஓட்டுநராகப் பணிபுரிந்த முன் அனுபவம் இருப்பது மிக அவசியமாகும். அனுபவச் சான்றிதழ் கட்டாயம் இணைக்க வேண்டும்.

வயது வரம்பு விவரங்கள்

விண்ணப்பதாரர்களின் வயது வரம்பு 18 வயது பூர்த்தி அடைந்தவராகவும், 42 வயதிற்கு மிகாதவராகவும் இருக்க வேண்டும். அரசு விதிகளின்படி இடஒதுக்கீடு பிரிவினருக்கு வயது வரம்பில் தளர்வுகள் உண்டு. 42 வயது வரை உள்ளவர்கள் விண்ணப்பிக்கலாம் என்பது பலருக்கும் ஒரு வரப்பிரசாதமாகும்.

விண்ணப்பக் கட்டணம் மற்றும் தேர்வு முறை

விண்ணப்பதாரர்கள் “The Block Development Officer, Panchayat Union, Mugaiyu” என்ற பெயரில் 50 ரூபாய்க்கு வங்கி வரைவோலை (Demand Draft – DD) எடுத்து விண்ணப்பத்துடன் இணைக்க வேண்டும். தகுதியான விண்ணப்பதாரர்கள் நேர்காணல் (Interview) மற்றும் ஓட்டுநர் திறன் சோதனை மூலம் தேர்வு செய்யப்படுவார்கள். எழுத்துத் தேர்வு கிடையாது.

விண்ணப்பிக்கும் முறை மற்றும் முகவரி

தகுதியும் விருப்பமும் உள்ளவர்கள் விழுப்புரம் மாவட்டத்தின் அதிகாரப்பூர்வ இணையதளமான viluppuram.nic.in என்ற முகவரியில் விண்ணப்பப் படிவத்தைப் பதிவிறக்கம் செய்து கொள்ள வேண்டும்.

அல்லது முகையூர் வட்டார வளர்ச்சி அலுவலகத்தில் நேரில் சென்று விண்ணப்பம் பெறலாம். பூர்த்தி செய்யப்பட்ட விண்ணப்பத்துடன் கல்விச் சான்றிதழ், ஓட்டுநர் உரிமம், அனுபவச் சான்றிதழ், சாதிச் சான்றிதழ், ஆதார் அட்டை மற்றும் டிடி (DD) ஆகியவற்றை இணைத்து அனுப்ப வேண்டும்.

விண்ணப்பங்களை அனுப்ப வேண்டிய முகவரி மற்றும் விவரங்களுக்கு அதிகாரப்பூர்வ அறிவிப்பைப் பார்க்கவும். பொதுவாக வட்டார வளர்ச்சி அலுவலர் (BDO) முகவரிக்கு அனுப்ப வேண்டும்.

முக்கிய தேதிகள்

• விண்ணப்பிக்கத் தொடங்கிய நாள்: 30.12.2025

• விண்ணப்பிக்கக் கடைசி நாள்: 14.01.2026

விண்ணப்பங்கள் கடைசி தேதிக்குள் அலுவலகத்தைச் சென்றடைய வேண்டும். விழுப்புரம் மாவட்டத்தைச் சேர்ந்தவர்கள் மற்றும் அருகிலுள்ள பகுதியினர் இந்த வாய்ப்பைப் பயன்படுத்திக் கொண்டு, கடைசி தேதிக்கு முன்பாகவே விண்ணப்பிக்குமாறு கேட்டுக் கொள்ளப்படுகிறார்கள். அரசு டிரைவர் வேலை என்பது பாதுகாப்பான மற்றும் கௌரவமான பணியாகும்.

Official Notification: 

• Notification Here
  

Apply Link:

• Visit Here

For More Job Info:

• Visit Here