Chennai Corporation Recruitment 2025: சென்னைவாசிகளே தயாரா? சென்னை மாநகராட்சியில் இருந்து 2026 ஆம் ஆண்டிற்கான மாபெரும் வேலைவாய்ப்பு அறிவிப்பு வெளியாகியுள்ளது. பெருநகர சென்னை மாநகராட்சியின் பொது சுகாதாரத் துறையின் கீழ் தேசிய நகர்ப்புற வாழ்வாதார இயக்கம் மற்றும் பல்வேறு திட்டங்களில் காலியாக உள்ள 309 பணியிடங்களை நிரப்புவதற்கான அதிகாரப்பூர்வ அறிவிப்பு வெளியிடப்பட்டுள்ளது.
10 ஆம் வகுப்பு படித்தவர்கள் முதல் மருத்துவர்கள் வரை அனைவருக்கும் ஏற்ற வகையில் பல்வேறு பதவிகள் இதில் அடங்கும். குறிப்பாக இந்த வேலைவாய்ப்பிற்கு எந்தவிதமான எழுத்துத் தேர்வும் கிடையாது என்பது மகிழ்ச்சியான செய்தியாகும்.
| கருடா TNPSC Academy Group 2 & 4 Online Class New Batch தொடங்க உள்ளது. வகுப்பில் இணைய தொடர்புக்கு - 9787968176 |
இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.
பணியிட விவரங்கள் மற்றும் பதவிகள்
மொத்தம் 309 காலியிடங்கள் அறிவிக்கப்பட்டுள்ளன. இதில் மருத்துவ அதிகாரி, மருந்தாளுநர் (Pharmacist), செவிலியர் (Staff Nurse), ஆய்வகத் தொழில்நுட்புநர் (Lab Technician), எக்ஸ்-ரே டெக்னீசியன் போன்ற மருத்துவத் துறை சார்ந்த பணிகள் உள்ளன.
இதுதவிர டேட்டா என்ட்ரி ஆபரேட்டர் (Data Entry Operator), அலுவலக உதவியாளர் (Office Assistant), பல்நோக்கு உதவியாளர் மற்றும் துப்புரவுப் பணியாளர்கள் போன்ற நிர்வாகப் பணிகளும் உள்ளன. ஒரே அறிவிப்பில் இத்தனை வகையான பதவிகள் அறிவிக்கப்பட்டிருப்பது வேலை தேடுபவர்களுக்கு ஒரு பெரிய வாய்ப்பாகும்.
கல்வித் தகுதி விவரங்கள்
ஒவ்வொரு பணிக்கும் தனித்தனியான கல்வித் தகுதிகள் நிர்ணயிக்கப்பட்டுள்ளன. அலுவலக உதவியாளர் மற்றும் பல்நோக்கு உதவியாளர் போன்ற பணிகளுக்கு 10 ஆம் வகுப்பு தேர்ச்சி பெற்றிருந்தாலே போதுமானது. டேட்டா என்ட்ரி ஆபரேட்டர் பணிக்கு ஏதேனும் ஒரு டிகிரி மற்றும் கணினிப் பயிற்சி முடித்திருக்க வேண்டும்.
செவிலியர் பணிக்கு நர்சிங் டிப்ளமோ அல்லது பி.எஸ்சி நர்சிங் முடித்திருக்க வேண்டும். மருத்துவர் மற்றும் இதர உயர் பதவிகளுக்குச் சம்பந்தப்பட்ட துறையில் பட்டம் மற்றும் முதுகலை பட்டம் பெற்றிருக்க வேண்டும். சுருக்கமாகச் சொன்னால், குறைந்தபட்ச கல்வித் தகுதி கொண்டவர்களுக்கும் இங்கே வேலை காத்திருக்கிறது.
சம்பளம் மற்றும் வயது வரம்பு
தேர்வு செய்யப்படும் பணியாளர்களுக்கு அவர்கள் வகிக்கும் பதவியைப் பொறுத்துத் தொகுப்பூதிய அடிப்படையில் சம்பளம் வழங்கப்படும். குறைந்தபட்சமாக மாதம் 13,000 ரூபாய் முதல் அதிகபட்சமாக 90,000 ரூபாய் வரை சம்பளம் நிர்ணயிக்கப்பட்டுள்ளது.
மருத்துவ அதிகாரிகளுக்கு உயர்ந்த சம்பளமும், உதவியாளர் பணிகளுக்கு அரசு நிர்ணயித்த குறைந்தபட்ச ஊதியமும் வழங்கப்படும். வயது வரம்பைப் பொறுத்தவரை அரசு விதிகளின்படி இடஒதுக்கீடு அடிப்படையில் தளர்வுகள் உண்டு.
தேர்வு முறை மற்றும் விண்ணப்பக் கட்டணம்
இந்த வேலைவாய்ப்பின் மிக முக்கியமான சிறப்பம்சம் என்னவென்றால், இதற்கு எந்தவிதமான எழுத்துத் தேர்வும் கிடையாது. விண்ணப்பதாரர்கள் அவர்கள் பெற்ற மதிப்பெண்கள் மற்றும் நேர்காணல் (Interview) அடிப்படையில் தேர்வு செய்யப்படுவார்கள். விண்ணப்பக் கட்டணம் எதுவும் கிடையாது. அனைத்துப் பிரிவினரும் இலவசமாகவே விண்ணப்பிக்கலாம்.
விண்ணப்பிக்கும் முறை மற்றும் முகவரி
தகுதியும் விருப்பமும் உள்ளவர்கள் சென்னை மாநகராட்சியின் அதிகாரப்பூர்வ இணையதளமான chennaicorporation.gov.in என்ற முகவரியில் விண்ணப்பப் படிவத்தைப் பதிவிறக்கம் செய்து கொள்ள வேண்டும். ஆன்லைனில் விண்ணப்பிக்க முடியாது.
பூர்த்தி செய்யப்பட்ட விண்ணப்பத்துடன் தேவையான கல்விச் சான்றிதழ், சாதிச் சான்றிதழ், ஆதார் அட்டை மற்றும் அனுபவச் சான்றிதழ் நகல்களை இணைத்து நேரிலோ அல்லது தபால் மூலமாகவோ அனுப்ப வேண்டும். நீங்கள் ஒன்றுக்கு மேற்பட்ட பதவிகளுக்கு விண்ணப்பிக்க விரும்பினால், ஒவ்வொரு பதவிக்கும் தனித்தனியாக விண்ணப்பம் அனுப்ப வேண்டும்.
விண்ணப்பங்களை அனுப்ப வேண்டிய முகவரி
Member Secretary, CCUHM / City Health Officer, Public Health Department, 3rd Floor, Amma Maligai, Greater Chennai Corporation, Ripon Buildings, Chennai – 600 003.
விண்ணப்பிக்கக் கடைசி தேதி 05.01.2026 மாலை 5 மணி ஆகும். கடைசி தேதி நெருங்குவதால், சென்னையில் உள்ளவர்கள் நேரடியாக ரிப்பன் மாளிகை சென்று விண்ணப்பத்தைச் சமர்ப்பிப்பது சிறந்தது. வெளியூரில் இருப்பவர்கள் விரைவு அஞ்சல் மூலம் அனுப்புங்கள். சென்னை மாநகராட்சியில் வேலை செய்ய விரும்பும் இந்த அரிய வாய்ப்பைத் தவறவிடாதீர்கள்.
Official Notification:
Apply Link:
For More Job Info:
