TNTET Hall Ticket 2025 Released: ஆசிரியர் தகுதித் தேர்வுக்காக (TNTET) விண்ணப்பித்துள்ள லட்சக்கணக்கான தேர்வர்களுக்கு ஒரு முக்கிய அறிவிப்பு! தமிழ்நாடு ஆசிரியர் தேர்வு வாரியம் (TRB) நவம்பர் 15 மற்றும் 16 ஆகிய தேதிகளில் நடைபெற உள்ள தாள் 1 மற்றும் தாள் II தேர்வுகளுக்கான நுழைவுச் சீட்டை (Hall Ticket) அதிகாரப்பூர்வமாக வெளியிட்டுள்ளது.
இந்த ஆண்டு, ஆசிரியர் தகுதித் தேர்வு எழுதுவதற்கு 3 லட்சத்து 50 ஆயிரத்திற்கும் மேற்பட்டோர் விண்ணப்பித்துள்ளனர். தேர்வு நெருங்கி வரும் வேளையில், தேர்வர்கள் தங்கள் ஹால் டிக்கெட்டை உடனடியாகப் பதிவிறக்கம் செய்து, தேர்வு மையம் மற்றும் விதிகளைச் சரிபார்க்குமாறு அறிவுறுத்தப்படுகிறார்கள்.
| கருடா TNPSC Academy Group 2 & 4 Online Class New Batch தொடங்க உள்ளது. வகுப்பில் இணைய தொடர்புக்கு - 9787968176 |
இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.
முக்கிய தேதிகள் (Important Dates)
ஹால் டிக்கெட் வெளியீட்டு நாள்: நவம்பர் 3, 2025 (நேற்று) சிறப்பு முகாம் தொடங்கும் நாள்: நவம்பர் 4, 2025 (இன்று) தாள் 1 தேர்வு நாள்: நவம்பர் 15, 2025 தாள் 2 தேர்வு நாள்: நவம்பர் 16, 2025
ஹால் டிக்கெட் பதிவிறக்கம் செய்வது எப்படி? (Step-by-Step)
தேர்வர்கள் கீழ்க்கண்ட எளிய வழிமுறைகளைப் பின்பற்றி தங்கள் நுழைவுச் சீட்டை பதிவிறக்கம் செய்துகொள்ளலாம்.
- முதலில், ஆசிரியர் தேர்வு வாரியத்தின் (TRB) அதிகாரப்பூர்வ லாகின் பக்கத்திற்குச் செல்ல வேண்டும். இணையதள முகவரி: https://trb1.ucanapply.com/login
- முகப்புப் பக்கத்தில், உங்கள் User ID (பயனாளர் ஐடி) மற்றும் Password (கடவுச்சொல்) ஆகியவற்றைச் சரியாக உள்ளீடு செய்து உள்நுழையவும்.
- உள்நுழைந்ததும், உங்கள் சுயவிவரப் பக்கத்தில் (Dashboard) TNTET 2025 Hall Ticket பதிவிறக்கம் செய்வதற்கான இணைப்பு (Link) இருக்கும்.
- அந்த இணைப்பைக் கிளிக் செய்து, உங்கள் ஹால் டிக்கெட்டை பதிவிறக்கம் (Download) செய்யவும்.
- பதிவிறக்கம் செய்த ஹால் டிக்கெட்டில் உங்கள் புகைப்படம், கையொப்பம், தேர்வு மையம், தேர்வு நேரம் மற்றும் விதிகள் அனைத்தும் சரியாக உள்ளதா என்பதை ஒருமுறைக்கு இருமுறை சரிபார்த்துக் கொள்ளுங்கள்.
ஹால் டிக்கெட் பதிவிறக்கம் செய்ய முடியவில்லையா?
நுழைவுச் சீட்டை பதிவிறக்கம் செய்வதில் ஏதேனும் சிக்கல் இருந்தாலோ அல்லது அதில் ஏதேனும் குறைகள் (உதாரணமாக, புகைப்படம் தவறு) இருந்தாலோ, தேர்வர்கள் கவலைப்படத் தேவையில்லை.
அவர்களுக்காக இன்று (நவம்பர் 4) முதல் நவம்பர் 10 ஆம் தேதி வரை (அரசு வேலை நாட்களில்) ஆசிரியர் தேர்வு வாரிய (TRB) அலுவலகத்தில் சிறப்பு முகாம் செயல்படும் என அறிவிக்கப்பட்டுள்ளது.
தேர்வர்கள் தங்களின் விண்ணப்ப விவரங்களுடன் நேரடியாக TRB அலுவலகத்திற்குச் சென்று இந்தச் சிறப்பு முகாம் அலுவலர்களைத் தொடர்புகொண்டு தங்கள் பிரச்சனைகளைச் சரிசெய்து கொள்ளலாம்.
தேர்வு முறை மற்றும் புதிய விதி
இந்த ஆண்டு தேர்வு OMR முறையில் 150 மதிப்பெண்களுக்கு நடைபெற உள்ளது. ஒன்று முதல் ஐந்தாம் வகுப்பு வரை கற்பிக்கும் இடைநிலை ஆசிரியர்கள் தாள் 1-லும், ஆறு முதல் எட்டாம் வகுப்பு வரை கற்பிக்கும் பட்டதாரி ஆசிரியர்கள் தாள் 2-லும் தேர்ச்சி பெற வேண்டும்.
சமீபத்திய உச்ச நீதிமன்றத் தீர்ப்பின்படி, ஒன்று முதல் எட்டாம் வகுப்பு வரை கற்பிக்கும் ஆசிரியர்கள் மட்டுமின்றி, இடைநிலை மற்றும் பட்டதாரி ஆசிரியர்கள் பதவி உயர்வு பெறுவதற்கும் ஆசிரியர் தகுதித் தேர்வில் தேர்ச்சி பெற்றிருப்பது கட்டாயம் ஆக்கப்பட்டுள்ளது குறிப்பிடத்தக்கது.
தேர்வர்கள் அனைவரும் தங்கள் ஹால் டிக்கெட்டை முன்கூட்டியே பதிவிறக்கம் செய்து, தேர்வுக்குத் தயாராகுமாறு கேட்டுக்கொள்ளப்படுகிறார்கள். அனைவருக்கும் வாழ்த்துகள்!
Download Link:
For More Job Info:
