IPPB Executive Recruitment 2025: பட்டப்படிப்பு முடித்த இளைஞர்களுக்கு ஒரு அட்டகாசமான செய்தி! இந்திய அரசின் தகவல் தொடர்பு அமைச்சகத்தின் கீழ் செயல்படும் இந்திய அஞ்சல் வங்கியில் (India Post Payments Bank – IPPB) இருந்து ஒரு நல்ல வேலைவாய்ப்பு அறிவிப்பு வெளியாகியுள்ளது. நாடு முழுவதும் ஒப்பந்த அடிப்படையில் 348 எக்ஸிகியூட்டிவ் (Executive) பணியிடங்களை நிரப்ப தகுதியான பட்டதாரிகளிடமிருந்து விண்ணப்பங்கள் வரவேற்கப்படுகின்றன.
ஏதேனும் ஒரு துறையில் பட்டம் பெற்றிருந்தால் போதும், இந்த வேலைக்கு நீங்கள் விண்ணப்பிக்கலாம். தமிழ்நாட்டிற்கு மட்டும் 17 காலிப்பணியிடங்கள் ஒதுக்கப்பட்டுள்ளன. மாதம் ரூ.30,000 சம்பளத்துடன் கூடிய இந்த அருமையான வாய்ப்பை பற்றிய முழுமையான விவரங்களை இங்கே காணலாம்.
| கருடா TNPSC Academy Group 2 & 4 Online Class New Batch தொடங்க உள்ளது. வகுப்பில் இணைய தொடர்புக்கு - 9787968176 |
இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.
முக்கிய விவரங்கள்
- நிறுவனம்: இந்தியா போஸ்ட் பேமெண்ட்ஸ் வங்கி (IPPB)
- பதவி: எக்ஸிகியூட்டிவ் (Executive)
- மொத்த காலியிடங்கள்: 348
- சம்பளம்: மாதம் ரூ.30,000 (நிலையானது)
- விண்ணப்பிக்க கடைசி தேதி: 29.10.2025
- பணியிடம்: இந்தியா முழுவதும் (தமிழ்நாட்டில் 17 இடங்கள்)
கல்வித் தகுதி மற்றும் வயது வரம்பு
இந்த வேலைக்கு விண்ணப்பிக்க, விண்ணப்பதாரர்கள் அரசால் அங்கீகரிக்கப்பட்ட பல்கலைக்கழகம் அல்லது கல்வி நிறுவனத்தில் இருந்து ஏதேனும் ஒரு துறையில் பட்டப்படிப்பை (Graduate in any discipline) முடித்திருக்க வேண்டும். தொலைதூரக் கல்வி (Distance Learning) மூலம் பட்டம் பெற்றவர்களும் விண்ணப்பிக்க தகுதியானவர்கள்.
வயது வரம்பை பொறுத்தவரை, விண்ணப்பதாரர்கள் 21 வயது பூர்த்தி அடைந்தவராகவும், 35 வயதுக்கு மேற்படாதவராகவும் இருக்க வேண்டும்.
மாநில வாரியான காலியிடங்கள்
இந்தியா முழுவதும் காலியிடங்கள் அறிவிக்கப்பட்டுள்ள நிலையில், முக்கிய மாநிலங்களில் உள்ள இடங்கள்: உத்தரப் பிரதேசம் (40), மகாராஷ்டிரா (31), குஜராத் (29), மத்தியப் பிரதேசம் (29), கர்நாடகா (19), தமிழ்நாடு (17), பீகார் (17), பஞ்சாப் (15) மற்றும் கேரளா (06). மற்ற மாநிலங்களின் முழுமையான விவரங்களை அதிகாரப்பூர்வ அறிவிப்பில் காணலாம்.
தேர்வு முறை மற்றும் விண்ணப்பக் கட்டணம்
விண்ணப்பதாரர்கள் ஆன்லைன் தேர்வு (Online Test) மற்றும் சான்றிதழ் சரிபார்ப்பு (Document Verification) ஆகியவற்றின் அடிப்படையில் தேர்வு செய்யப்படுவார்கள். தகுதியானவர்களின் இறுதிப் பட்டியல் மெரிட் அடிப்படையில் வெளியிடப்படும்.
விண்ணப்பக் கட்டணமாக அனைத்து விண்ணப்பதாரர்களும் ரூ.750 செலுத்த வேண்டும்.
விண்ணப்பிப்பது எப்படி?
தகுதியும் விருப்பமும் உள்ள விண்ணப்பதாரர்கள் இந்திய அஞ்சல் வங்கியின் அதிகாரப்பூர்வ இணையதளமான www.ippbonline.com மூலம் ஆன்லைனில் மட்டுமே விண்ணப்பிக்க வேண்டும். விண்ணப்பங்கள் வேறு எந்த முறையிலும் ஏற்றுக்கொள்ளப்படாது. ஆன்லைனில் விண்ணப்பிப்பதற்கான கடைசி தேதி 29.10.2025 ஆகும்.
ஏதேனும் ஒரு டிகிரி படித்தவர்களுக்கு மத்திய அரசு சார்ந்த நிறுவனத்தில் நல்ல சம்பளத்தில் வேலை கிடைப்பது ஒரு சிறந்த வாய்ப்பாகும். எனவே, தகுதியுள்ளவர்கள் இந்த வாய்ப்பை தவறவிடாமல் உடனடியாக விண்ணப்பித்து பயனடையுங்கள்.
Official Notification:
Apply Link:
For More Job Info:
